बुढानिलकण्ठ नगरपालिकाको प्रमुखमा नेपाली कांग्रेसका डिल्ली प्रसाद डोटेल ( श्याम ) को दावी
कपन अनलाइन
काठमाण्डौ ,चैत्र २१ ।
बुढानिलकण्ठ नगरपालिकाको प्रमुखमा नेपाली कांग्रेसका डिल्ली प्रसाद डोटेल ( श्याम ) ले दावी गरेका छन ।
निकै लामो समय देखि नेपाली कांग्रेसका विभिन्न जिम्मेवारीमा रहेर योगदान दिएका डोटेलले २०७९ साल बैशाख ३० गते हुने स्थानीय तहको निर्वाचनमा नेपाली कांग्रेसका तरूह बाट नगर प्रमुख पदको उम्मेदवारमा दावी गरेको बताएका छन ।
२०७४ सालको निर्वाचनमा नगरपालिकाको सबैभन्दा ठुलो वडा नं १० मा अध्यक्ष पदको उम्मेदवार रहेका डोटेल हाल नेपाली कांग्रेस काठमाण्डौ क्षेत्र नं ४ को सदस्य रहेका छन।
कपन बहुमुखी क्याम्पस र जीपी कोइराला बहुमुखी क्याम्पसका संस्थापक सदस्य रहेका डोटेल पटक पटक राजीतिक मुद्दामा जेल समेत परेका थिए।
साविक कपन गाविसमा सर्वदलीय संयन्त्रका प्रतिनिधि र अनुगमन समिती सदस्य रहेर समेत विकास निर्माणका योगदान दिएका डोटेल नेपाली कांग्रेस बुढानिलकण्ठ -१० का पुर्व सभापति समेत हुन्।
