शंखरापुर नगरपालिका प्रमुख : को को छन नेकपा एमालेका सम्भावित दावेदारहरु ?
कपन अनलाइन
काठमाण्डौ ,चैत्र ६।
बैशाख ३० स्थानीय तहको निर्वाचन घोषणा संगै अहिले शंखरापुर नगरपालिकामा पनि सम्भावित उम्मेदवार र दावेदारहरुका वारेमा अनौपचारिक चर्चा शुरु भएको छ।
२०७४ सालको स्थानीय तहको निर्वाचनमा उपप्रमुख सहित विभिन्न वडाहरुमा जितेको नेकपा एमालेबाट आगामी निर्वाचनमा नगर प्रमुखको पदमा दावेदार गर्ने उम्मेदवारहरुका वारेमा चर्चा परिचर्चा शुरु भएको छ।
सबै शाखा र नगर कमिटीमा सर्वसम्मत नेतृत्व चयन गरेको नेकपा एमालेका तर्फबाट नगर प्रमुखको पदमा दावेदारी दिनसक्ने केहि नेताहरुको वारेमा यहाँ चर्चा गरिएको छ।
१. सुवर्ण श्रेष्ठ
नेकपा एमाले बागमती प्रदेस कमिटी सदस्य सुवर्ण श्रेष्ठ यस पटक पनि २०७९ बैशाख ३० गते हुने स्थानीय तहको निर्वाचनमा नेकपा एमालेका तर्फबाट नगर प्रमुख पदको सम्भावित दावेदारका रुपमा रहेका छन।
२०७४ सालको स्थानीय तहको निर्वाचनमा ४८६९ मत सहित नगर प्रमुखमा विजयी बनेका श्रेष्ठ राजनीति संगै विभिन्न सामाजिक अभियानमा पनि सक्रिय रहेका छन।
२. सृजन शर्मा
नेकपा एमाले काठमाण्डौ जिल्ला कमिटी सदस्य सृजन शर्मा पनि २०७९ बैशाख ३० गते हुने स्थानीय तहको निर्वाचनमा नेकपा एमालेका तर्फबाट नगर प्रमुख पदको सम्भावित दावेदारका रुपमा रहेका छन।
नेकपा एमाले काठमाण्डौ क्षेत्र नं २ को संयोजक समेत रहेका शर्मा राजनीति संगै विभिन्न शिक्षा क्षेत्रमा पनि सक्रिय रहेका छन।
३.महेन्द्र लाल श्रेष्ठ
नेकपा एमाले काठमाण्डौ जिल्ला कमिटी सदस्य महेन्द्र लाल श्रेष्ठ पनि ०७९ बैशाख ३० गते हुने स्थानीय तहको निर्वाचनमा नेकपा एमालेका तर्फबाट नगर प्रमुख पदको सम्भावित दावेदारका रुपमा रहेका छन।
नेकपा एमाले काठमाण्डौ क्षेत्र नं २ ( २ ) प्रदेस कमिटिको संयोजक समेत रहेका श्रेष्ठ राजनीति संगै विभिन्न सामाजिक अभियानमा पनि सक्रिय रहेका छन।
४. राम कुमार तिवारी
नेकपा एमाले शंखरापुर नगर कमिटीका अध्यक्ष राम कुमार तिवारी पनि ०७९ बैशाख ३० गते हुने स्थानीय तहको निर्वाचनमा नेकपा एमालेका तर्फबाट नगर प्रमुख पदको सम्भावित दावेदारका रुपमा रहेका छन।
लामो समय देखि राजनीतिमा सक्रिय रहेका तिवारी विभिन्न सामाजिक अभियानमा पनि सक्रिय रहेका छन।
