ईश्वर पोखरेलको नारी दिवस विशेष कविता : सम्पूर्णता सितको सहयात्रा
कपन अनलाइन
काठमाण्डौ ,फागुन २४।
वात्सल्यताको छाता ओडेर
निश्चलता सहित छुनुमुनु गर्ने
सुन्दर छोरीको रूपमा….!
आदर , माया र भरोसा गर्ने
स्वप्नदर्शी बहिनीको रूपमा ..!
आड भरोसा तथा आवश्यक पर्दा
ढाढस दिने दिदीको रूपमा ..!
माया , विश्वाससहित जीवनभरि –
बाँच्ने मर्ने संकल्प गर्ने ,
मायाको पोखरीमा सम्पूर्णरूपमा
पौडिन सिकाउने प्रेमिकाको रूपमा …!
सम्पूर्ण रूपमा समर्पित,
सुख दु:खमा सँधै हिस्सेदार पत्नीको रूपमा …!
ममता,स्नेह र र संरक्षणकी अजश्र श्रोत –
आमाको रूपमा ..!
अर्थात्..,
म ‘तिमी’ लाई सम्पूर्णतामा देख्न चाहान्छु,
त्यस्ती ‘तिमी’ सित सहयात्रा चाहान्छु …!!
तपाइँको प्रतिक्रिया ।
