सुन्ताखान युवा क्लब गोकर्णेश्वर ३ ले नियमित सरसफाईलाइ निरन्तरता दिदै
कपन अनलाइन
काठमाडौँ,फाल्गुन १५ । गोकर्णेश्वर नगरपालिका वडा नं ३ सुन्ताखानमा रहेको सुन्ताखान युवा क्लबले नियमित सरसफाई कार्यक्रमलाइ जारी राखेको छ । क्लबले प्रत्येक हप्ताको शनिबार सरसफाईलाइ प्राथमिकतामा राख्दै आएको छ । सुन्ताखान युवा क्लबका अध्यक्ष हरिबोल बिष्टको नेतृत्वमा प्रत्येक हप्ता सरसफाईको कार्य हुदै आएको छ। प्रत्येक हप्ताको शनिबार सरसफाई गर्दै आएको सुन्ताखान युवा क्लबले बिभिन्न सामाजिक क्रियाकलाप पनि गर्दै आएको छ ।
फुटेर होइन जुटेर काम गर्यो भने जे पनि सम्भब हुने उदाहरण को रुपमा सुन्ताखान युवा क्लबलाइ लिन सकिन्छ। वडा भित्रको विकास निर्माण , सरसफाई , सुरक्षा तथा आपसी एकतालाई दरिलो वनाउने अभिप्रायले गठन भएको सो क्लबले आफनो स्थापनाकाल देखिनै एक शसक्त क्लबको रुपमा आफुलाई उभ्याउन सफल भएको छ ।
शनिबार क्लबले सडक किनारामा रहेको बिरुवा गोडमेल गर्नुको साथै सडकमा अनावश्यक रुपमा उम्रिएका झाडी सफाई र फोहोर संकलन गरेको थियो सरसफाईमा जुटेका युवाहरुले स्थानीय तहमा युवाहरु नै जागरुक भई सामाजिक कार्यमा लाग्न प्रेरित गर्नुपर्नेमा जोड दिएका छन ।
