चन्द्रागिरिमा रोकिराखेको गाडीमा ठक्कर खाँदा एक मोटरसाइकल चालकको मृत्यु

कपन अनलाइन
काठमाडौं, फागुन १३।

चन्द्रागिरि नगरपालिकामा रोकिराखेको गाडीमा ठक्कर खाँदा एक मोटरसाइकल चालकको मृत्यु भएको छ।

मृत्यु हुनेमा २६ वर्षीय आकाश रानाभाट रहेका छन्। उनी चेकपोष्टमा बस्थे।

उनले चलाएको प्रदेश नम्बर ३ ०२-२२ प २९१९ नम्बरको माेटरसाइकल बा २ ख ७०४९ नम्बरको रोकिराखेको फाेर्स गाडीमा ठक्कर खाएको थियो।

शुक्रबार (आज) राति १/२ बजेतिर चन्द्रागिरि-७ को घुमाउनेमा दुर्घटना भएको महानगरीय प्रहरी वृत थानकोटका प्रहरी निरीक्षक रामप्रसाद  सापकोटाले जानकारी दिएका छन । उनको उपचारको क्रममा कलंकीस्थित सहिद अस्पतालमा मृत्यु भएको थियो ।

उनी विगत ४ वर्षदेखि चन्द्रागिरि केबलकार रिसोर्टमा वेटरको रूपमा काम गर्थे। घटनाबारे थप अनुसन्धान भइरहेको प्रहरीले जनाएको छ।