समुन्नत जालपादेबी युवा क्लब तथा लायन्स क्लब अफ काठमाडौं डाँफे द्वारा गोकर्णेश्वर ३ मा आयोजित रक्तदान सम्पन्न

कपन अनलाइन

काठमाडौँ, फाल्गुन १ । गोकर्णेश्वर नगरपालिका वडा नं ३ सुन्ताखानमा बृहत रक्तदान कार्यक्रम  सम्पन्न भएको छ।  माघ १९ गते शनिबार  समुन्नत जालपादेबी युवा क्लब तथा लायन्स तथा लियो  क्लब अफ काठमाडौं डाँफेको  संयुक्त आयोजनामा  सातौँ तथा नियमित  रक्तदान कार्यक्रम  सम्पन्न भएको हो। रगत अभावका कारण कुनै पनि व्यक्तिले ज्यान नगुमाउन नपरोस् भन्ने उदेश्य सहित सम्पूर्ण स्वास्थ्य सुरक्षा मापदण्ड अपनाई सुरक्षित तवर बाट शनिबार बिहान १० बजे बाट गोकर्णेश्वर नगरपालिका वडा नं ३ वडा कार्यालय प्राङ्गणमा संचालन भएको उक्त रक्तदान कार्यक्रममा ५४ जना रक्तदाताले रक्तदान गरेको आयोजकले कपन अनलाइनलाइ जानकारी गराएको छ ।

छोटो छोटो समयको तयारी तथा बिभिन्न स्वास्थ्य तथा अन्य कारणले गर्दा  रक्तदान गर्न इच्छुक ब्यक्तिले समेत रक्तदान गर्न नसकेको  हुँदा जम्मा ५४  जनाले रक्तदान गरेको  आयोजकको भनाइ रहेको छ ।  साथै सो  कार्यक्रम सफलता पुर्वक सम्पन्न गर्न सहयोग गर्ने सबैलाई धन्यवाद दिदै आगामी दिनमा पनि यस्तै सहयोगको अपेक्षा आयोजक टिमले गरेका  छन  ।