नेकपा (एकीकृत समाजवादी) बुढानिलकण्ठको सपथ ग्रहण तथा भेला सम्पन्न
कपन अनलाइन
काठमाण्डौ ,माघ २९।
नेकपा (एकीकृत समाजवादी) बुढानिलकण्ठको सपथ ग्रहण तथा भेला सम्पन्न भएको छ। बुढानिलकण्ठ नगरपालिका वडा नं ११ मा रहेको कपन भिलेज रिसोर्टमा आयोजना गरिएको भेलामा नगर कमिटीका पदाधिकारी तथा सदस्यहरुले सपथ ग्रहण गरेका थिए।
नेकपा( एकीकृत समाजवादी )की स्थायी कमिटी सदस्य तथा बागमती प्रदेस अध्यक्ष सावित्रा भुषालको प्रमुख आतिथ्यतामा भएको भेलाको अध्यक्षता नगर कमिटीका अध्यक्ष हरिराम ढुंगानाले गरेका थिए।
नेकपा ( एकीकृत समाजवादी) का केन्द्रीय सदस्य तथा काठमाण्डौ जिल्ला कमिटीका अध्यक्ष कुसुम कुमार कार्की , केन्द्रीय प्रतिनिधि परिषदका सदस्यहरु शान्तिराम ढुंगाना,कुमार ओझा र विष्णु शर्मा , जिल्ला कमिटी उपसचिव तथा क्षेत्र नं ४ का अध्यक्ष धुर्व राज न्यौपाने,सचिव पुरुषोत्तम नेपाल लगायतका नेता तथा कार्यकर्ताहरुको उपस्थिति रहेको कार्यक्रमको संचालन नगर कमिटीका सचिव प्रमोद ढकालले संचालन गरेका थिए।
उक्त भेलालाई सम्बोधन गर्दै बागमती प्रदेस सभा सदस्य समेत रहेका जिल्ला अध्यक्ष कार्कीले निर्वाचनको तयारीमा लाग्न नगर कमिटीलाई निर्देशन दिदै संगठन विस्तार र रचनात्मक गतिविधिमा सक्रिय बन्न आग्रह गरेका थिए।
