गोकर्णेश्वर र ललितपुरको सानेपाबाट दुई मोटरसाइकलसहित चोरीमा संलग्न पक्राउ

कपन अनलाइन

काठमाण्डौ ,माघ २० ।

प्रहरीले  मोटरसाइकल चोरीमा संलग्न रहेको आरोपमा दुईजना पक्राउ परेका छन् ।

महानगरीय ट्राफिक प्रहरी महाशाखाको टोलीले काठमाडौंको गोकर्णेश्वर र ललितपुरको सानेपाबाट दुई मोटरसाइकलसहित चोरीमा संलग्न दुईजनालाई पक्राउ गरेको हो ।

पक्राउ पर्नेहरूमा सुर्खेतको वीरेन्द्रनगर नगरपालिका घर भई हाल काठमाडौंको चाबहिलमा बस्ने २३ वर्षीय सौरभ महतरा र सिन्धुपाल्चोकको पाँचपोखरी थाङपाल गाउँपालिका बस्ने १८ वर्षीय समीर तामाङ रहेका छन् ।

महाशाखाका अनुसार पक्राउ पर्नेले मोटरसाइकलको वास्तविक नम्बर परिवर्तन गरी मोटरसाइकल चलाउँदै आएका थिए । उनीहरू दुवैजनालाई कारबाहीका लागि महानगरीय प्रहरी वृत्त सिंहदरबार पठाइएको महाशाखाले जनाएको छ ।