अन्तर सहकारी फुट्सलको उपाधी नव सृजनशिल साकोसलाइ ; गोकर्ण साकोस दितीय

कपन अनलाइन

काठमाडौँ पौष ४ ।उज्यालो संपद बचत तथा ऋण सहकारी संस्था लिमिटेड द्वारा  आयोजित  ‘अन्तर सहकारी मैत्रीपूर्ण फुट्सल प्रतियोगिता’को उपाधी नव  सृजनशिल बचत तथा ऋण सहकारी संस्थाले जितेको छ   । गोकर्णेश्वर ४, माकलबारीस्थित मनकामना फुट्सल मैदानमा  संचालन भएको उक्त प्रतियोगितामा सृजनशिल बचत तथा ऋण सहकारी संस्थाले   गोकर्ण बचत तथा ऋण सहकारी संस्थालाई २-१ गोल अन्तरले पराजित गर्दै उपाधि जितेको हो ।

जित संगै सृजनशिल बचत तथा ऋण सहकारी संस्थाले नगद रु ५० हजार सहित ट्रफी मेडल र प्रमाण पत्र हात पारेको छ भने दितीय भएको गोकर्ण बचत तथा ऋण सहकारी संस्थाले नगद रु तीस हजार सहित ट्रफी मेडल र प्रमाण पत्र हात परेको छ। प्रतियोगितामा  सिन्धु साकोसले  तृतीय स्थान हासिल गरे संगै नगद रु २० हजार सहित ट्रफी मेडल र प्रमाण पत्र प्राप्त गरेको छ ।

प्रतियोगितामा  बिजेता उप बिजेताहरुलाई कार्यक्रमका प्रमुख अतिथि बागमती प्रदेशका युवा तथा खेलकुद मन्त्रि रत्न प्रसाद ढकालले पुरस्कार वितरण गरेका थिए। सहकारीका अध्यक्ष रमेशप्रसाद तिमल्सिनाको अध्यक्षता भएको पुरस्कार वितरण कार्यक्रममा मेलम्ची नगरपालिकाका न्यायिक समिति सदस्य लुमडीराज खतिवडा,गोकर्णेश्वर नगरपालिका वडा नं ७ को  वडा सदस्य  बिन्दा सापकोटा,बागमती प्रदेश बचत तथा ऋण सहकारी संस्थाका सचिब गोबिन्द  काफ्ले लगायत बिभिन्न सहकारी संस्थाका प्रतिनिधि सहित खेलाडी र खेलप्रेमी दर्शकहरुको बाक्लो उपस्थिति रहेको थियो ।