गोकर्णेश्वर -२ मा ज्येष्ठ दलित नागरिक तथा एकल महिला सम्मान तथा पोषण तत्व वितरण कार्यक्रम सम्पन्न

कपन अनलाइन

काठमाडौं मंगसिर ५। गोकर्णेश्वर नगरपालिका वडा नं २ले  ज्येष्ठ दलित नागरिक तथा एकल महिला सम्मान तथा पोषण तत्व वितरण कार्यक्रम सम्पन्न गरेको छ। गोकर्णेश्वर नगरपालिकाको आर्थिक सहयोग तथा वडा स्तरीय योजनाको कार्यक्रम अन्तर्गत  शुक्रबार नयापाटी पार्टी प्यालेसमा एक कार्यक्रमका बीच ज्येष्ठ दलित नागरिक तथा एकल महिला सम्मान तथा पोषण तत्व वितरण कार्यक्रम सम्पन्न भएको हो ।

वडा सदस्य माया तामाङको संयोजकत्वमा भएको उक्त कार्यक्रममा प्रमुख अतिथिको रुपमा वडा अध्यक्ष कृष्ण बहादुर पण्डित क्षेत्री रहेका थिए भने बिशेष अतिथिको रुपमा नगर कार्यपालिका सदस्य दिलिप सुनुवार, वडा सदस्य कृष्णहरि श्रेष्ठ  वडा सदस्य सरस्वती सुनार  वडा सचिब रुप बहादुर श्रेष्ठ लगायत वडाका कर्मचारी सहित ज्येष्ठ नागरिक र एकल महिलाहरुको उपस्थिति रहेको थियो ।

कार्यक्रम संचालन वडा सहायक कर्मचारी मन बहादुर तामाङले गरेका थिए कार्यक्रममा १२० जना ज्येष्ठ दलित नागरिक तथा एकल महिलाहरुलाई सम्मान स्वरुप  पोशक तत्व मह हर्लिक्स जाडोको लागि न्यानो कपडा अन्तर्गत ब्लान्केट , कम्मल समेत प्रदान गरिएको थियो। उक्त दिन ६० जनालाई सम्मान गरेको र अन्यलाइ वडा बाट नै वितरण गरिने समेत जानकारी गराइएको थियो।