नेपाली कांग्रेस गोकर्णेश्वर ८ इकाईको शुभकामना आदानप्रदान कार्यक्रम सम्पन्न
कपन अनलाइन
काठमाडौं,कात्तिक १४ । राष्ट्रियता लोकतन्त्र र समाजबाद भन्ने मूल नाराको साथमा नेपाली कांग्रेस गोकर्णेश्वर नगरपालिका वडा नं ८ इकाईले शुभकामना आदानप्रदान, क्रियाशील सदस्यहरुलाई धन्यबाद तथा प्रतिनिधिहरुलाई बधाई कार्यक्रम सम्पन्न गरेको छ ।शनिबार गोकर्णेश्वर नगरपालिकाको एक पार्टी प्यालेसमा सम्पन्न उक्त कार्यक्रमको प्रमुख अतिथिको रुपमा नेपाली कांग्रेसका महासमिति सदस्य बिमल ठकुरी रहेका थिए भने बिशेष अतिथिको रुपमा नेपाली काङ्ग्रेस इकाई ८ का पुर्व सभापति तथा गोकर्णेश्वर नगरपालिकाका प्रवक्ता एबम वडा नं ८ का वडा अध्यक्ष मनोज कुमार ढुंगाना, नेपाली कांग्रेस काठमाडौं जिल्ला सदस्य भावना ठकुरी ,गोकर्णेश्वर नगरपालिका वडा नं. ८ इकाईका सभापतिका प्रत्यासी नन्दलाल श्रेष्ठ, क्षेत्रीय प्रतिनिधि राजेश अधिकारी, क्षेत्रीय प्रतिनिधि मुक्तिनाथ डोटेल लगायत इकाई सदस्यहरुको साथै क्रियाशील सदस्यहरुको उपस्थिति रहेको थियो।
नेपाली कांग्रेस गोकर्णेश्वर नगरपालिका वडा नं ८ इकाई सभापति लक्ष्मण चौलागाईको अध्यक्षता सम्पन्न कार्यक्रम संचालन इकाई सचिव दिनेश राइले गरेका थिए ।राष्ट्रिय गान संगै शुरु भएको कार्यक्रममा इकाई सचिव हरिकृष्ण श्रेष्ठले स्वागत मन्तब्य राखेका थिए।कार्यक्रमलाइ प्रमुख अतिथिको रुपमा शुभकामना मन्तब्य राख्दै नेपाली कांग्रेसका महासमिति सदस्य बिमल ठकुरीले आउदै गरेका चाड पर्वहरुको शुभकामना ब्यक्त गरेका थिए। उनले नेपाली कांग्रेसमा सहमति सहकार्य र एकता ठुलो ठुलो कुरा गरे पनि बाहिर गए पछि ब्यक्तिको चरित्रहत्या गर्ने प्रबित्तिले गर्दा संगठन कमजोर हुने बताउदै त्यस्तो प्रबित्ति त्याग्नु पर्ने बताए।
उनले नेपाली कांग्रेसको बिधि र बिधानमा रहेर काम गर्नु पर्ने बताउदै उनले व्यक्तिगत चरित्रहत्या हुने कुरा नगर्न पनि अनुरोध गरेका थिए। मङ्सिर ३ गते हुने अधिबेसनमा आफुले प्रदेश ख को सभापतीमा उम्मेदवारी दिन लागेको जानकारी दिदै सहयोग गर्न अनुरोध गरेका थिए ।कार्यक्रममा नेपाली काङ्ग्रेस गोकर्णेश्वर ८ इकाई समितिका निवर्तमान सभापति मनोज कुमार ढुंगानाले बर्तमान सभापति लक्ष्मण चौलागाईंलाई माइन्युट हस्तान्तरण गर्दै सफल कार्यकालको शुभकामना ब्यक्त गरेका थिए । कार्यक्रममा नेपाली काङ्ग्रेस इकाई ८ का पुर्व सभापति तथा गोकर्णेश्वर नगरपालिकाका प्रवक्ता एबम वडा नं ८ का वडा अध्यक्ष मनोज कुमार ढुंगाना नेपाली कांग्रेस काठमाडौं जिल्ला सदस्य भावना ठकुरी, गोकर्णेश्वर नगरपालिका वडा नं. ८ इकाईका सभापतिका प्रत्यासी नन्दलाल श्रेष्ठ, -क्षेत्रीय प्रतिनिधि राजेश अधिकारी, क्षेत्रीय प्रतिनिधि मुक्तिनाथ डोटेल लगायतले आउदै गरेको चाड पर्वहरुको शुभकामना ब्यक्त गर्दै आगामी निर्वाचनमा नेपाली कांग्रेसलाइ बिजयी गराउन एक ढिक्का भएर लाग्नु पर्नेमा जोड दिएका थिए ।
