युएईलाई १४६ रनले हराउँदै दक्षिण अफ्रिका क्वाटर फाइनल प्रवेश

काठमाडौ, २८ फागुन । एसोसियट राष्ट्र युएईलाई १४६ रनको फराकिलो अन्तरले पराजित गर्दै दक्षिण अफ्रिका विश्वकप क्रिकेट प्रतियोगिताको क्वाटर फाइनलमा प्रवेश गरेको छ ।

दक्षिण अफ्रिकाले दिएको ३४२ रनको लक्ष्य पछ्याएको युएई ४७.३ ओभरमा अलआउट हुँदै १९५ रनमा समेटिएको हो ।
विश्वकपको दौडबाट बाहिरिइसकेको युएईका लागि स्वप्निल पटिलले सर्वाधिक ५७ रन बनाए । त्यस्तै सहिमन अनबरले ३९ रन जोडे । युएईका अन्य खेलाडीले गतिलो स्कोर गर्न सकेनन् ।
टस हारेर पहिले ब्याटिङ गरेको दक्षिण अफ्रिकाले एसोसिटएट राष्ट्र युएइसामु विशाल लक्ष्य प्रस्तुत गरेको थियो । विशाल योगफल बनाउनेक्रममा दक्षिण अफ्रिका कप्तान एवी डेभिलियर्सले ९९ रनको पारी खेले । फरहान बेहरडियने अविजित ६४ रन बनाउदा डेभिड मिलरले ४९ रन टिमको योगफल जोडे । युएईकालागि महम्मद नभिडले १० ओभरमा ६३ रन खर्चेर ३ विकेट हात पारे । युएइका लागि स्वापनिल पाटिलले ५७, साइमान अनवारले ३९ रन बनाउनुबाहेक अन्य ब्याट्स्मेन जमेर खेल्न सकेनन् ।
दक्षिण अफ्रिकाका लागि भेरनन फिलण्डर, मोरन मोर्केल र कपतान एबी डिभिल्लर्सले २÷२ विकेट लिए भने डेल स्टेन, जेन पाउल डुमिनी र इमरान ताहिरले १ विकेट हात पारे । यसअघि नै प्रतियोगिताको क्वाटरफाइनलमा पुगिसकेको दक्षिण अफ्रिका यो जितस“गै समूहको दोस्रो स्थानमा पुगेको छ ।