गोकर्णेश्वर ९ शंखडोल भगवती स्थानमा शंखको प्रतिमा निर्माण गरिने

कपन अनलाइन

काठमाडौं भाद्र १७ । गोकर्णेश्वर नगरपालिका वडा नं ९ शंखडोल भगवती स्थानमा शंख  निर्माणको लागि शिलान्यास गरिएको छ । नगर प्रमुख सन्तोष चालिसेले भगवतीस्थान चोकमा शंख निर्माणको लागि भुमिपुजन सहित सोमबार शिलान्यास गरेका हुन् ।उक्त कार्यक्रममा उप प्रमुख शान्ति नेपाल , गोकर्णेश्वर नगरपालिका वडा नं ९ का वडा अध्यक्ष राजिब थापा , गोकर्णेश्वर नगरपालिका वडा नं ४ का वडा अध्यक्ष श्री कुमार श्रेष्ठ,गोकर्णेश्वर नगरपालिकाका प्रमुख सल्लाहकार दिपक रिसाल वडानं ९ कि सदस्य सत्यभामा श्रेष्ठ,  हरिकृष्ण करन्जित, गमला परियार गोकर्णेश्वर नगरपालिका वडा नं ४का वडा सदस्य   बालकृष्ण श्रेष्ठ शंखडोल कराते  एकेडेमी प्रमुख प्रशिक्षक शिबराम करन्जित,महानगरीय प्रहरी प्रभाग  गोकर्णका  कार्यलय प्रमुखप्रहरी नायब निरीक्षक  रामजी घिमिरेलगायत विभिन्न संघ संस्थाका प्रतिनिधि सहित स्थानीयको उपस्थिति रहेको थियो।

 करिब १५ लाखको लागतमा निर्माण हुने उक्त मुर्तिको लागि हाललाई वडाले ५ लाख बिनियोजन गरेको  जानकारी गराइएको थियो ।  शंखडोल  नामको जगेर्ना गर्ने उदेश्य सहित शंखको मुर्ति निर्माण गरिन लागेको हो  कार्यक्रममा बोल्दै नगर प्रमुख चालिसेले गुणस्तरीय रुपमा समयमा नै निर्माण सक्न अनुरोध गरेका थिए।