सिद्धिचरण नगरपालिका–७ की एक महिलाले आफ्नै शरिरमा आगो लगाएर आत्महत्या गरिन

सिद्धिचरण नगरपालिका–७ की एक महिलाले आत्महत्या गरेकी छिन् । टोड्केकी ४० बर्षिय मिना कुमारी श्रेष्ठले आफ्नै शरिरमा आगो लगाएर आत्महत्या गरेकी हुन् । घर नजिकैको टोड्के सामुदायीक वनमा आगोले जलेको अवस्थामा श्रेष्ठको शव फेला परेको ओखलढुंगा प्रहरी प्रमुख प्रहरी नायब उपरीक्षक गोविन्दराज काफ्लेले जानकारी दिएका छन  ।

शव नजिकै डिजेलको बोतल र सानो झोला फेला परेकाले उनी आफैले शरीरमा डिजेल छर्केर आत्महत्या गरेको हुन सक्ने प्रहरी प्रमुख काफ्लेले बताए । घटनाका विषयमा थप अनुसन्धान भईरहेको जिल्ला प्रहरी कार्यालय ओखलढुंगाले जनाएको छ ।