प्रस्तावित डिष्ट्रिक्ट ३२५ डी मा आबद्ध हुने क्लबहरुको संयुक्त अन्तरक्रिया कार्यक्रम सम्पन्न
कपन अनलाइन
काठमाडौं भाद्र १३ लायन्स क्लब अन्तर्राष्ट्रिय डिष्ट्रिक्ट ३२५ ए १ अन्तर्गत रहि रि डिष्ट्रिक्टिङ पश्चात प्रस्तावित डिष्ट्रिक्ट ३२५ डी मा आबद्ध हुने ३३ वटा क्लबहरुको संयुक्त अन्तरक्रिया कार्यक्रम सम्पन्न भएको छ ।भाद्र १२ गते शनिवार गोकर्णेश्वर नगरपालिका वडा नं ६, नारायणटार स्थित छिमेकी पार्टि प्यालेसमा सम्पन्न कार्यक्रममा प्रस्तावित डिष्ट्रिक्ट ३२५ डी अन्तर्गत रहने क्लबको ६७ जना लायन सदस्यहरुको उपस्थिति रहेको थियो ।
कार्यक्रममा बिशेष गरि रि डिष्ट्रिक्टिङ गर्ने सन्दर्भमा भएको अस्वस्थ चलखेल तथा डिष्ट्रिक्ट ३२५ ए १ मा भएको आर्थिक अनियमितताको बिषयमा गम्भिरता पुर्वक छलफल गरि आगामि दिनमा सामुहिक रुपमा यस्तै कार्यक्रमहरु आयोजना गरि सम्वन्धित पक्षहरुसंग जवाफ माग गर्ने निर्णय गरिएको कार्यक्रम संयोजक लायन दिपक चापागाईले कपन अनलाइनलाइ जानकारी गराए ।
अन्तरक्रिया कार्यक्रममा सहभागीहरुले रि डिष्ट्रिक्टिङ लगायतको समसामहिक बिषयमा उठेको जिज्ञासाहरुमा लायन्स क्लब अन्तर्राष्ट्रिय डिष्ट्रिक्ट ३२५ ए १ का पूर्व क्याविनेट सेक्रेटरी द्वय लायन धन प्रसाद लामिछाने तथा लायन दिपेन्द्र शाक्यले प्रकाश पारेका थिए ।
