अनामनगरमा रोकिराखेको टिपरमा स्कुटर ठोक्किँदा एकजनाको मृत्यु

कपन अनलाइन

काठमाण्डौ ,साउन २९।

काठमाडौंको अनामनगरमा रोकिराखेको टिपरमा स्कुटर ठोक्किँदा एकजनाको मृत्यु भएको छ । स्कुटर चालक सुर्खेत घर भएका २९ वर्षीय सन्देश बुढाथोकीको मृत्यु भएको हो ।दुर्घटनामा गम्भीर घाइते भएका उनको उपचारका क्रममा सिभिल अस्पताल मीनभवनमा मृत्यु भएको जनाइएको छ ।

गएराति सवा १ बजे रोकिराखेको प्रदेश ३, ०१, ००६ ख ०७९७ नम्बरको टिपरमा अनामनगरबाट हनुमानस्थानतर्फ जाँदै गरेको बा२ब ७५८९ नम्बरको स्कुटर ठोक्किएको हो ।

टिपर चालकलाई महानगरीय प्रहरी वृत्त सिंहदरबारले नियन्त्रणमा लिएको छ ।