गोकर्णेश्वर महादेव मन्दिरमा नित्य पुजा बाहेक अन्य सम्पूर्ण पुजाका कार्यहरु बन्द हुने

कपन अनलाइन

काठमाडौं, श्रावण ३।  गोकर्णेश्वर महादेव मन्दिरमा नित्य पुजा बाहेक अन्य सम्पूर्ण  पुजाका कार्यहरु बन्द गरिएको छ । गोकर्णेश्वर महादेव मन्दिर क्षेत्र प्रबन्ध समितिले सार्वजनिक सुचना जारि गर्दै निषेधाज्ञा अवस्था कायमै रहेको र संक्रमण दर पनि बढिरहेको हुँदानित्य पुजा बाहेक अन्य सम्पूर्ण  पुजाका कार्यहरु बन्द गरिएको  सार्वजनिक सुचना मार्फत जानकारी गराएको छ ।प्रत्येक वर्ष  श्रावण महिना गोकर्णेश्वर महादेव मन्दिरमा   बोलबम सहित भक्तजनहरुको  भिड हुने गर्दथ्यो ।

श्रावण महिनाको हरेक सोमबार बोलबम मेला भर्न आउने भक्तजनका कारण साउन महिनाभर गोकर्णेश्वर महादेव मन्दिर  मेलामय हुने गर्थ्यो।कोरोना भाइरस सङ्क्रमणको जोखिम कायमै रहेका कारण मन्दिरमा नित्य पुजा बाहेक अन्य सम्पूर्ण  पुजाको कार्य बन्द गरिए पनि बागमती गङ्गा आरति भने स्वास्थ्य मापदण्डको पालना गरि सिमित ब्यक्तिहरुको उपस्थितिमा गरिने  आयोजकले जनाएको छ । बागमती गङ्गा आरति उक्त मन्दिर परिसरमा प्रत्येक महिनाको अन्तिम सोमबार हुदै आएको छ ।