बुढानिलकण्ठ -११ कपन पैयाटारमा वृक्षरोपण

कपन अनलाइन

काठमाण्डौ ,साउन ३।

बुढानिलकण्ठ ११ पैयाटार हाइटमा रहेको खादा दहको केही तल दक्षिण तर्फ रहेको नागबेली पाखामा हिजो वृक्षरोपण गरिएको छ । करिब सात रोपनीको सो सार्वजनिक जग्गा संरक्षण गर्दै त्यसलाई आकर्षक पार्कको रुपमा विकास गर्दै लैजाने उद्देश्यले स्थानीय पैयाटार आकाशदेवी नेवा समुहले उक्त कार्यक्रम आयोजना गरेको हो ।

लायन्स  क्लब अफ काठमाण्डौ नोभेला, लाइन्स क्लब अफ बुढानिलकण्ठ नेवा पुच , लाइन्स क्लब अफ काठमाण्डौ नमोबुद्दले अम्बा , हरो – बरो , धुपी , जाकृन्डा, कपुर , तेज पत्ता, काइयो , कल्की लगायतका १५० बिरुवा उपलब्ध गराएको थियो भने नेवा समूह आफैले सन्कलन गरेका फल तथा फूलका २०० प्रजातिका बिरुवाहरु लाइन्स क्लब , स्थानीय समाजसेवी , संघ संस्थाका पदाधिकारी एब सदस्य तथा बुढानिलकण्ठ वडा नम्बर ११ का वडा अध्यक्ष र सदस्यहरुको उपस्थितिमा रोपिएको थियो ।

लायन्स  क्लब अफ नोभेला कि गोमा दाहालले पैयाटार आकाश देवी नेवा समूह र स्थानीयको जागरुकता र उद्देश्यको प्रशम्सा गर्दै आगामी दिनमा लायन्स  क्लबका तर्फबाट अन्य सहयोगको निरन्तरता दिने बताउनु भयो ।

बुढानिलकन्ठ नगरपालिका वडा न. ११ का वडा अध्यक्ष राजु अधिकारीले सो जग्गा संरक्षण गरि पार्क निर्माण कार्यको लागि नाप जाँच तथा सिमाङ्कन , तारबार र गुरु योजना बनाउन वडाले महत्त्वपूर्ण भुमिका खेल्ने बताएका थिए  । उक्त नेवा समुहका अध्यक्ष ओम श्रेष्ठले स्थानीयहरु सङ्ग सर सल्लाह गर्दै जग्गा संरक्षण , रोपिएका बिरुवाहरुको संरक्षण गर्दै बहु उपयोगी पार्क बनाउने प्रतिबद्धता गरेका थिए  ।