चौतारामा राष्ट्रिय युवा संघको बृक्षारोपण

कपन अनलाइन

काठमाण्डौ ,असार २४।

नेकपा एमालेको भातृ संगठन राष्ट्रिय युवा संघ नेपालले आज सिन्धुपाल्चोकको सदरमुकाम चौतारामा बृक्षारोपण कार्यक्रम सम्पन्न गरेको छ । उक्त संगठनको जिल्ला कमिटीको आयोजनामा आज चैतारा क्याम्पसको प्राङ्गणमा बृक्षारोपण कार्यक्रम गरिएको हो ।

युवा संघले देशव्यापी आयोजना गरेको कार्यक्रम अन्तर्गत सिन्धुपाल्चोकमा नि सुरुवात गरिएको सिन्धुपाल्चोकका युवा नेता महेश चौलागाईंले बताउनु भयो । आज भएको कार्यक्रममा विभिन्न प्रजातिका ४०० भन्दा धेरै बोट तथा बिरुवा हरु रोपिएको थियो ।

कार्यक्रमको प्रमुख अतिथि युवा संघका उपाध्यक्ष अमित लामाले यो अभियान देशव्यापी रुपमा संचालन जानकारी दिदै  युवाले गरेको रचनात्मक कार्यले सबैलाई सन्देश दिएको बताएका छन  ।

कार्यक्रममा संघका उपाध्यक्ष उर्मिला सुनुवारको पनि विशेष उपस्थिति रहेको थियो भने केन्द्रिय देखी जिल्ला तह सम्ममाका नेता हरुको सहभागीता रहेको थियो । राष्ट्रिय युवा संघ नेपाल सिन्धुपाल्चोक जिल्ला कमिटीले प्रत्येक स्थानीय तहमा बृक्षारोपण कार्यक्रम संचालन गर्ने संघका सचिवालय सदस्य अभिषेक तिवारीले बताए  ।