मध्यरातमा मनमैजुको एनआईसि एशिया बैंकको ATM मेशिन फुटाउने पक्राउ

कपन अनलाइन

काठमाण्डौ ,असार १३।

मनमैजु लोकतान्त्रिक चोकनजिक रहेको एनआईसि एशिया बैंकको मेशिन फुटाउँदै गरेको अबस्थामा प्रहरीले एक जनालाई पक्राउ गरेको छ ।

अस्थायी प्रहरी विट बसन्तनगरबाट रात्री गस्ति डिउटीमा खटिएको प्रहरी टोलीले राती १ बजे एनआईसि एशिया बैंकको एटीएम मेशिन फुटाउँदै गरेको अबस्थामा माछापोखरी बस्ने बर्ष १८ को आकाश क्षेत्रीलाई नियन्त्रणमा लिई घटनाको थप अनुसन्धान भैइरहेको बालाजु प्रहरीले बताएको छ ।

प्रहरीका अनुसार मेशिन काट्न प्रयोग गरिएको वेल्डिङ मेशिन थान , हमर र छिनो सहित जिल्ला ललितपुर, ललितपुर महानगरपालिका वडा नं १ मा स्थाही घर भई माछापोखरी बस्ने बर्ष १८ को आकाश क्षेत्रीलाई नियन्त्रणमा राखीएको छ ।