दक्षिणकालीमा विभत्स अवस्थामा एक जना महिलाको शव भेटियो

कपन अनलाइन

काठमाण्डौ ,असार ७।

दक्षिणकालीमा एक जना महिलाको शव विभत्स अवस्थामा भेटिएको छ ।  अनुहार नचिनिने गरी गह्राै वस्तुले किच्याएको अवस्थामा शव भेटिएको उपत्यका अपराध अनुसन्धान महाशाखाका एसएसपी चन्द्रकुवेर खापुङले जानकारी दिएका छन  ।

प्रारम्भिक अनुसन्धानमा महिलाको हत्या भएको हुनसक्ने देखिएको उनले बताए । ‘पिकनिक स्पट छेऊ पुरानो ट्वाइलेटमा शव भेटिएको छ’ खापुङले भने, ‘थप अनुसन्धान गरिरहेका छौं ।’

प्रहरीले घटनास्थलमा फेरेन्सिक डाक्टर र तालिम प्राप्त कुकुरलाई पनि बोलाएको छ । शव अन्दाजी ३०/३५ वर्षको महिलाको भएको प्रहरीको भनाइ छ । सनाखत भने भइसकेको छैन ।