हेटौडा महानगरमा कोरोना बिजेता नगरवासीको निवास निसंक्रमण गर्दै नेपाल स्काउट

कपन अनलाइन

काठमाण्डौ ,जेष्ठ १८ ।

नेपाल स्काउट बगमती प्रदेशको सहकार्य र नेपाल स्काउट हेटौंडा उपमहानगरपालिका नगर समितिको  आयोजनामा हेटौंडा उपमहानगरपालिका भित्र कोभिड १९ जितेर निको भएकाहरु नगरवासीहरुको निवासमा निसंक्रमण (Disinfectant) अभियान शुरु गरिएको छ ।

कोरोना प्रकोप नियन्त्रण र रोकथामको अभियानमा अग्रमोर्चामा रहेर मानवीय सेवा प्रादन गरिरहेका स्काउट स्वयंसेवकहरुले हेटौडा महानगरपालिका भित्र  निसंक्रमण (Disinfectant) कार्यलाई निरन्तर अगाडी बढाउने बताइएको छ।

खोप ,राहत,परिक्षण ,आपतकालीन सवारी तथा एम्बुलेन्स सेवा  जस्ता कार्यहरुमा सक्रिय स्वयंसेवा गरिरहेको नेपाल  स्काउटले शव व्यवस्थापनको कार्यलाई पनि शुरु गरिसकेको छ।