नेपाल प्रहरी महाराजगंज वृतलाई नेपाल खेलकुद महासंघको स्वास्थ्य सामाग्री सहयोग

कपन अनलाइन

काठमाण्डौ ,जेष्ठ ११।

नेपाल प्रहरी महाराजगंज वृतलाई नेपाल खेलकुद महासंघले स्वास्थ्य सामाग्री सहयोग गरेको छ। नेपाल खेलकुद महासंघका बरिस्ट उपाध्यक्ष परशुराम बस्नेतको नेतृत्वमा रहेको टोलीले फेस शिल्ड ,मास्क ,स्यानीटाइजर, पन्जा  लगायतका स्वास्थ्य सामाग्रीहरु प्रहरीलाई हस्तान्तरण गरेका थिए।

नेपाल खेलकुद महासंघको कोभिड -नो भिड अभियान अन्तर्गत नेपालका ५६ जिल्लामा कोरोना प्रकोप नियन्त्रण र रोकथाम अभियानको अग्रमोर्चामा रहेका व्यक्ति तथा संस्थाहरुलाई स्वास्थ्य सामाग्री सहयोग गर्ने क्रममा महाराजगंज प्रहरीलाई सो सहयोग गरिएको हो।

सो अवसरमा महासंघका उपाध्यक्ष सुदर्शन गुरुङ,उपमहासचिवरामकृष्द्वण खड्यका र प्रदिप खत्री,सचिव रेणु श्रेष्ठ स्थायी कमिटी सदस्य सफल श्रेष्ठ ,केन्द्रीय सदस्य रामकुमार सुवेदी (आर के ) लगायतको उपस्थिति रहेको थियो।