कपन निलोपुलमा बिना काम डुल्ने दिनभर होल्डमा

कपन अनलाइन

काठमाण्डौ ,जेष्ठ ९।

कपन निलोपुलमा बिना काम डुल्नेहरु  दिनभर होल्डमा परेका छन। जेष्ठ ९ गते बिहान बुढानिलकण्ठ -१० निलोपुल क्षेत्रमा तरकारी किन्ने बहाना बनाउदै बिना काम निस्केका स्थानीयहरुलाई प्रहरीले होल्डमा राख्दै कारवाही गरेको छ।

निषेधाज्ञाको अवज्ञा गर्दै हिडडुल गर्नेहरुको शंख्यामा वृद्धि भएको गुनासो बढे संगै आक्रामक बनेको प्रहरीले दर्जनौ सवारी साधनहरुलाई नियन्त्रणमा लिएको छ भने मास्क बिना र अन्य कारणले जोखिम बढाउदै डुल्नेहरुलाई चिट काटेर जरिवाना पनि गरेको छ।

बुढानिलकण्ठ नगरपालिकाको प्रकोप व्यवस्थापन केन्द्रको बैठकले तरकारी बजार र अन्य बढी आवतजावत हुने क्षेत्रमा प्रहरी परिचालन गर्ने निर्णय गरेपछी छेक जांचलाई तीव्रता दिइएको छ ।