काठमाण्डौको ठमेल बाट चार जुवाडे पक्राउ

कपन अनलाइन

काठमाडौं,जेठ ५ ।

निषेधाज्ञाको समयमा घरमा लुकेर जुवातास खेल्ने चार जनालाई प्रहरीले समातेको छ ।

काठमाडौंको ठमेलस्थित यादव मल्लको घरमा जुवातास खेलिरहेका बेला बालाजु बस्ने धादिङ निलकण्ठ नगरपालिका-११ का कृष्णबहादुर लम्साललगायत चारजनालाई प्रहरीले ठाउँको ठाउँ समातेको हो ।

विशेष सूचनाको आधारमा महानगरीय प्रहरी वृत्त लैनचौरबाट खटिएको प्रहरी टोलीले नगद १ लाख ९१ हजार १ सय ५० रुपैयाँ र ५ बुक ताससहित उनीहरुलाई पक्राउ गरेको हो ।