माधव नेपाल र भिम रावल देउवा निवास बुढानिलकण्ठमा

कपन अनलाइन

काठमाण्डौ ,बैशाख २८।

राष्ट्रपतिले दिएको समयभित्र वैकल्पिक सरकारको दावी पेश गर्न प्रयासरत कांग्रेस सभापति शेरबहादुर देउवालाई भेट्न एमालेका नेता माधवकुमार नेपाल मंगलबार साँझ बुढानिलकण्ठ पुगेका छन् ।

नेपाल पक्षको स्थायी कमिटीको भर्चुअल बैठकमा घनश्याम भुसाल, योगेश भट्टराई, गोकर्ण विष्ट लगायतका नेताले सरकार गठनमा कसैको सहयोगी बन्ने भन्दा पार्टी अध्यक्ष केपी ओलीलाई नै एकताका लागि दबाब दिनुपर्ने मत राखेपछि संकटमा परेका नेता नेपाल देउवालाई भेट्न गएका हुन् ।

नेपाललाई  साथ दिइरहेका अर्का नेता भीम रावल पनि देउवासँगको वार्तामा सहभागी रहेको स्रोतले जनाएको छ ।