अक्सिजन उत्पादनको लागि सीता प्रोडक्ट प्रा.लि.लाई दक्षिणकाली नगरपालिकाको सहयोग
कपन अनलाइन
काठमाडौं ,बैशाख २५। दक्षिणकाली नगरपालिका भित्र संचालनमा रहेको सीता प्रोडक्ट प्रा.लि.लाई नगरपालिकाले आवश्यक पानीको व्यवस्थापन गर्ने भएको छ ।नयाँ भेरियन्ट सहितको कोरोना माहामारीमा अक्सिजनको अधिक माग बढे अनुसार अक्सिजन उत्पादनमा पानीको खपत ज्यादा हुने भएकाले कम्पनीको आवश्यक्ता अनुसार दक्षिणकाली नगरपालिका वडा नं. १ र चाल्नाखेल खानेपानी उपभोक्ता समितिको सहकार्यमा सीता प्रोडक्ट प्रा.लि लाई पुर्ण क्षमता अनुसार अक्सिजन उत्पादन गर्न दक्षिणकाली नगरपालिकाले कोभिड अवधी भरको लागी नि:शुल्क खानेपानी उपलब्ध गराएको हो ।
नगर उप प्रमुख बसन्ती डंगोल तामाङका अनुसार सीता प्रोडक्ट प्रा.लि लाई पुर्ण क्षमता अनुसार अक्सिजन उत्पादन गर्न दक्षिणकाली नगरपालिकाले कोभिड अवधी भरको लागी नि:शुल्क खानेपानी उपलब्ध गराएको बताइन ।अक्सिजन प्लान्ट प्रोडक्सनलाई पानीको समस्या तथा आवश्यक्ता भएका कारण उनीहरुको आवश्यक्ता र माग अनुसार पानीको व्यवस्था गरिएको र थप उत्पादनमा सहजता होस् भनेर नगरले सो व्यवस्थापन गर्ने जानकारी गराईन् ।
