राष्ट्रियता र स्थानीय मौलिकता संरक्षणमा तिलोत्तमा नगरपालिकाको नविन अभ्यास

कपन अनलाइन

रुपन्देही ,बैशाख ८।

रुपन्देही जिल्लाको तिलोत्तमा नगरपालिकाले राष्ट्रियता र स्थानीय मौलिकता संरक्षणका लागि सृजनात्मक अभ्यास शुरु गरेको छ।

सो नगरपालिकामा कार्यालय समय शुरु हुनुभन्दा अगाडी सबै उपस्थित जनप्रतिनिधि र कर्मचारीहरुले रास्ट्रिय र नगर गानमा सक्रिय सामुहिक सहभागिता जनाएर आफ्नो दैनिक जिम्मेवारी बहन गर्ने गरेका छन।

तिलोत्तमा नगरपालिकामा हरेक दिन  कार्यालय समय शुरु हुनुभन्दा ५ मिनेट पहिले नगरप्रहरीको प्राबिधिक संयोजनमा  बज्ने  राष्ट्रिय गान र नगर गानमा सहभागी भएर जनप्रतिनिधि र कर्मचारीहरु  कार्यालय प्रवेस गर्ने गरेका छन। प्रत्येक दिन सबै कर्मचारीहरुले नगरपालिकाको भवन अगाडी उभिएर रास्ट्रिय तथा नगर गानमा सहभागिता जनाउने गरेका छन।

नगर प्रमुख बासुदेव घिमिरेले देशभक्ति र नगरलाई पनि उत्तिकै माया र भक्ति सृजना गर्न  नगर गानको अभ्यास गरेको बताउदै  शुरुमा  अल्लि अफ्ठ्यारो मान्ने विभिन्न संघ सस्थाले अहिले सबै जसो कार्यक्रम , सस्थागत तथा निजि बिद्यालय, कार्यालय हरुमा राष्ट्रिय गान संगै नगर गान को राम्रो अभ्यास गरेकोमा खुसि ब्यक्त गरेका छन।