काठमाडौं बालाजुको  सडकमा बञ्चरो प्रहार गरी लुट्ने तीन जना पक्राउ

कपन अनलाइन

काठमाण्डौ ,बैशाख ७।

काठमाडौं बालाजुको  सडकमा बञ्चरो प्रहार गरी लुट्ने तीन जनाको समूहलाई प्रहरीले  पक्राउ गरेको छ ।

शुुक्रबार राती ९ बजेको समयमा बालाजु चोक नजिकैको चक्रपथमा हिँडिरहेका रुकुम मुसीकोट नगरपालिका–२ घर भई बालाजु बस्ने वर्ष १९ का रमेश चनारालाई लुटपाट गर्ने उद्देश्यले धारिलो फलामे बञ्चरो प्रहरी गरेर उक्त समूहले लुटेको थियो ।

नेपाल प्रहरीको महानगरीय वृत्त बालाजुबाट खटिएको टोलीले उनीहरुलाई नजिकैको बालाजु गंगाहलतर्फ भाग्दै गरेको अवस्थामा बञ्चरोसहित पक्राउ गरेको थियो ।

प्रहरीले उनीहरुको साथबाट कालो बिँड भएको फलामे बञ्चरो,सुन जस्तो देखिने अन्दाजी डेढ तोलाको सिक्री र मोबाइल सेट बरामद गरेको छ ।