नारी चेतना समाजको आयोजनामा सात दिने उदघोषण कला तालिम सम्पन्न
कपन अनलाइन
काठमाडौं ,चैत्र ४।
नारी चेतना समाज काठमाडौं ,लायन्स क्लव अफकाठमाण्डौ अभिषेक ( डिस्ट्रिक ३२५ बि २ ) र लायन्स क्लव अफ काठमाण्डौ साझा अनुगमन (डिस्ट्रिक ३२५ बि १ ) को आयोजनामा भएको सात दिने उदघोषण कला तालिम सम्पन्न भएको छ। काठमाडौं महानगरपालिका वडा नं ७ को सभा हलमा भएको तालिमको समापन समारोहमा सहभागीहरुलाई प्रमाण पत्र वितरण गरिएको छ ।
काठमाण्डौ महानगरपालिका वडा नं ७ को प्रायोजन र सफल महिला समुहको सहयोगमा भएको तालिम समापन कार्यक्रमको अध्यक्षता नारी चेतना समाजकी अध्यक्ष पवित्रा घिमिरे (चादनी ) ले गरेकी थिइन्।
काठमाडौं महानगरपालिका वडा नं ७ का अध्यक्ष सुद्ध डंगोलको प्रमुख आतिथ्यतामा भएको समापन कार्यक्रममा वडा सदस्यहरु कृष्णमणि भट्टराई ,कृष्ण घिमिरे ,निर्मला पुडासैनी ,चन्द्रकला सुन्दास , लायन्स क्लव इन्टरनेसनल डिस्ट्रिक ३२५ बि १ का भाइस डिस्ट्रिक गभर्नर महेन्द्र पौडेल , फ्रेन्डशिप कम्युनिटी अस्पतालका सचिव दिपक अधिकारी,लायन्स क्लव अफ काठमाण्डौ साझा अनुगमनकी प्रेसिडेन्ट तारा केसी ,मेन्टल हेल्थ फाउन्डेसनकी प्रमुख गीता बन्जारा ,सफल महिला समुहकी अध्यक्ष सुनिता खड्का ,सचिव अम्बिका डल्लाकोटी लगायत अतिथि रहेका थिए।
नारी चेतना समाजकी सचिव सुशिला खतिवडाको स्वागत मन्तव्य रहेको कार्यक्रममा सहयोगी संस्थाहरुलाई प्रसंशा पत्र पनि वितरण गरिएको थियो।
