भगवती युवा क्लबको १४ औं बार्षिक साधारण सभाको अवसरमा आयोजित रक्तदान कार्यक्रम सम्पन्न

कपन अनलाइन

काठमाडौं,चैत्र ३। गोकर्णेश्वर नगरपालिका वडा नं ९ शंखडोलमा रहेको भगवती युवा क्लबको १४ औं बार्षिक साधारण सभाको अवसरमा आयोजित रक्तदान कार्यक्रम सम्पन्न भएको छ।

रक्तदान जीवन दान भन्ने मुल नाराको साथमा रक्त संचार केन्द्रको प्राबिधिक सहयोगमा  फागुन २९ गते शनिबार बिहान ११ बजे  देखि शंखडोल डोजो हलमा शुरु   भएको सो रक्तदान कार्यक्रममा ५५ जनाले रक्तदान गर्न नाम लेखाए पनि स्वास्थ्य लगायत अन्य कारणले गर्दा ३५ जनाले मात्र रक्तदान गर्न सफल भएको भगवती युवा क्लबका अध्यक्ष संजय बिकले कपन अनलाइन लाइ जानकारी गराए।

उनले  भगवती युवा क्लबको बार्षिक कार्यक्रममा रक्तदान कार्यक्रम समाबेश गरिएको हुँदा सोहि अनुरुप अस्पतालमा रक्त अभावका कारण समस्यामा परेका बिरामीहरुको लागि सेवा पुर्‍याउने उदेश्य सहित कार्यक्रम आयोजना  गरेको उनले बताए।  उनले कार्यक्रमलाइ सफलता पुर्वक सम्पन्न गर्न सहयोग गर्ने सबैलाई धन्यबाद ब्यक्त गर्दै आगामी दिनमा पनि यस्तै सहयोगको अपेक्षा गरेका  छन कार्यक्रममा रक्तदाताहरुलाई प्रमाण पत्र वितरण गरिएको थियो ।