काठमाडौं क्षेत्र नं ५ (२ ) मा संगठन र विकास निर्माणका लागि शाखा कमिटीहरु संग अन्तरक्रिया
कपन अनलाइन
काठमाडौं ,माघ २५।
काठमाडौं क्षेत्र नं ५ (२ ) मा संगठन विस्तार र विकास निर्माणका लागि शाखा कमिटीहरु संग अन्तरक्रिया गरिएको छ। काठमाडौं बसुन्धराको सिमा पार्टी प्यालेसमा आयोजना गरिएको उक्त अन्तरक्रियाको संयोजन काठमाडौं क्षेत्र नं ५ (२ ) बाट निर्वाचित बागमती प्रदेस सभा सदस्य दिपक निरौलाले गरेका थिए।
नेपाल कम्युनिस्ट पार्टीका केन्द्रीय सदस्य तथा बागमती प्रदेस सभा सदस्य सिता लामा ,पेशागत जिल्ला कमिटीका अध्यक्ष समिर नेपाल ,नेकपा केन्द्रीय सदस्य बालिका गिरि ,जिल्ला सदस्यहरु अनिता लामा ,नारायण भाइ श्रेष्ठ ,मणिराज डंगोल ,नेकपा बुढानिलकण्ठका अध्यक्ष प्रदिप डंगोल ,टोखा अध्यक्ष सत्य नारायण डंगोल लगायतको उपस्थितिमा भएको सो अन्तरक्रियामा उक्त क्षेत्रका १२ वटै वडाका अध्यक्ष तथा प्रतिनिधिहरुको सहभागिता रहेको थियो।
सो अन्तरक्रिया कार्यक्रममा वडा कमिटीको विस्तार , टोल कमिटी गठन ,प्रचार प्रसार व्यवस्थापन लगायतका संगठन केन्द्रित विषयमा छलफल गरिएको थियो भने विकास निर्माणका योजना र तत्काल गर्नुपर्ने कामहरुका वारेमा पनि गम्भीर छलफल भएको थियो।
