नेकपा बुढानिलकण्ठ नगर कमिटी सहित १३ वटै वडा कमिटीले पूर्णता पाए ,सपथ ग्रहण भोलि
कपन अनलाइन
काठमाडौं ,माघ १६।
नेकपा बुढानिलकण्ठ नगर कमिटी सहित १३ वटै वडा कमिटीले पूर्णता पाएका छन। नेपाल कम्युनिस्ट पार्टी (नेकपा ) बुढानिलकण्ठ नगरकमिटीको माघ १५ गते वडा नं १२ को इभरसाइन पार्टी प्यालेसमा नेकपा बुढानिलकण्ठका सचिव प्रदिप डंगोलको अध्यक्षतामा बसेको बैठकले नगर कमिटी र १३ वटै वडा कमिटीहरुलाई पूर्णता दिएको छ।
नेकपा केन्द्रीय सदस्य तथा नगर प्रमुख उद्दव खरेल ,नेकपा केन्द्रीय सदस्य सुन्दर पुर्कुटी ,नेकपा केन्द्रीय सदस्य तथा बागमती प्रदेस सभा सदस्य दिपक निरौला , काठमाडौं जिल्ला सचिवालय सदस्य संगम गहतराज ,विदुर विक्रम खड्का,मिठाराम अधिकारी,जिल्ला कमिटी सदस्य लक्ष्मी संग्रौला लगायतको उपस्थितिमा बसेको बैठकले नगर कमिटी ,वडा कमिटी र जनवर्गीय संगठनहरुलाई पूर्णता दिएर सपथ ग्रहणको कार्यक्रम तय गरेको थियो।
भोलि माघ १६ गते सनिवार बुढानिलकण्ठ नगरपालिका वडा नं १७ को सार पार्टी प्यालेसमा ७.३० बजे आयोजना हुने सपथ ग्रहण कार्यक्रममा १३ वटा नगर कमिटी र १३ वडा कमिटीका अध्यक्षहरुको घोषणा र सपथ ग्रहण कार्यक्रम आयोजना गरिएको नगर सचिव प्रदिप डंगोलले जानकारी दिएका छन।
