बुढानिलकण्ठमा चक्कु प्रहार गरि एक युवकको हत्या गर्ने पक्राउ

कपन अनलाइन

काठमाडौं ,पुस २७।

बुढानिलकण्ठमा चक्कु प्रहार गरि एक युवकको हत्या गर्ने एक जना पक्राउ गरेका छन्। महानगरीय प्रहरी वृत महाजगञ्जको टोलीले मकवानपुर थाहा नगरपालिका वडा नं ६ घर भएका २१ वर्षीय राज सिंह ठकुरीलाई बिहान चितवनको पिप्ले बाट पुस २७ गते बिहान  नियन्त्रणमा लिएको हो।

ठकुरीले  पुस २३ गते बेलुकाको समयमा बुढानिलकण्ठ नगरपालिका वडा नम्बर १ चिसेनी स्थित रहेको गुम्बा नजिकको सार्बजनिक बाटोमा २१ वर्षीय सुशिल तामाङलाई चक्कु प्रहार गरेका थिए।

केटीको विषयमा झगडा हुँदा चक्कु प्रहारबाट घाइते भएका तामाङको उपचारको क्रममा त्रिवि शिक्षण अस्पताल महाजगंञ्जमा आइतवार मृत्यु भएको थियो। घटनाको थप अनुसन्धान भइरहेको प्रहरीले जानकारी दिएको छ।