८४ वर्षीय जेष्ठ सदस्यलाई सम्मान गर्दै सप्तादेव साकोसको साधारण सभा शुरु
कपन अनलाइन
काठमाडौं ,पुस १४।
सप्तदेव बचत तथा ऋण सहकारी संस्थाको एघारौं वार्षिक साधारण सभा सुरु भएको छ । कोरोना महामारीका कारण भूमिसुधार, गरिबी निवारण तथा सहकारी मन्त्रालय, सहकारी विभागको निर्देशन बमोजिम कोभिड १९ को स्वास्थ्य मापदण्ड पालना गर्दै सुरु गरिएको साधारण सभाको उद्घाटन संस्थाकी ज्येष्ठ सदस्य ८४ बर्षीय चन्द्रकुमारी आचार्यले पानसमा दीप प्रज्ज्वलन गर्दै उक्त साधारण सभा शुरु गरेकी हुन् ।
जेष्ठ सदस्य आचार्य लाई सम्मान गरेर शुरु गरिएको सो कार्यक्रमको संस्थाका अध्यक्ष बालकृष्ण भट्टाराईको अध्यक्षतामा भएको उदघाटन कार्यक्रमको संचालन संस्थाका सचिव कृष्ण भट्टराईले गरेका थिए ।
२०७७ पौष १३ देखि १७ गतेसम्म संस्थाकै कार्यालयमा सदस्यहरु उपस्थित भई साधारण सभामा उपस्थिति पुस्तिकामा हस्ताक्षर गर्दै वार्षिक प्रतिवेदनका सन्दर्भमा आफ्ना धारणाहरु राख्नुहुनेछ भने १८ गते संस्थाका विभिन्न उपसमितिहरु लगायतको उपस्थितिमा सदस्यहरुबाट प्राप्त सुझावहरुलाई समेट्दै निर्णय लेखन तथा साधारण सभा समापन गरिने जानकारी संस्थाका उपाध्यक्ष कुमार पुडासैनीले जानकारी दिएका छन।
