चावहिल -मित्रपार्क सडक कालोपत्रे अन्तिम चरणमा

कपन अनलाइन

काठमाडौं ,मंसिर १३।

चावहिल -मित्रपार्क सडक कालोपत्रे अन्तिम चरणमा पुगेको छ। लामो समय देखि निर्माणाधीन रहेको सो सडकमा कालोपत्रे गर्ने कार्य अन्तिम चरणमा पुगेको काठमाडौं महानगरपालिका वडा नं ७ का अध्यक्ष सुद्ध डंगोलले जानकारी दिएका छन।

वडा नं ७ को मुख्य ब्यापारिक केन्द्रमा रहेको सडक कालोपत्र नहुदा स्थानीयहरुले निकै ठुलो कस्ट भोग्नुपरेको बताउदै अध्यक्ष डंगोलले अव सो समस्या बाट मुक्त हुने धारणा राखेका छन।

चावहिल क्षेत्रमा आवातजावतलाई सहज बनाउनका लागि आकाशे पुलको व्यवस्थापन गरेको जानकारी दिदै अध्यक्ष डंगोलले  वडाले व्यवस्थित र सुविधा सम्पन्न पार्किङ स्थल निर्माणका लागि अध्ययन भैरहेको बताएका छन।