राखेपका सदस्य पुरेन्द्रविक्रम लाखे सम्मानित

कपन अनलाइन

काठमाडौं ,कार्तिक २३ ।

राष्ट्रिय खेलकुद परिषद् (राखेप) का नवनियुक्त सदस्य पुरेन्द्रविक्रम लाखे शनिबार सम्मानित भएका छन् । डोजोका पूर्व सल्लाहकार लाखेलाई राखेपको सदस्य पदमा नियुक्त भएकोमा सम्मान गरिएको हो ।
ललितपुर जिल्ला कराते महासंघका अध्यक्ष सानुलाल श्रेष्ठ, डोजोका संस्थापक मुख्य प्रशिक्षक एवं संरक्षक मिनकृष्ण महर्जन, डोजोका अध्यक्ष समेत रहेका नेपाल राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठलगायतले लाखेलाई खादा र पुष्पगुच्छा प्रदान गरी बधाइ दिनुका साथै सम्मान गरे ।
खेलाडीका रुपमा लाखेको मुख्य उपलिब्ध नेपालमै १९९१ मा भएको शिखर एसियाली कराते च्याम्पियनसिपमा स्वर्ण जित्नु हो । लाखे दोश्रो पटक राखेपको सदस्यमा नियुक्त भएका हुन् । २०६३ सालमा पनि लाखे राखेपको सदस्यमा थिए ।