बुढानिलकण्ठ -१० मा सरसफाई तथा जनचेतनामुलक कार्यक्रम

कपन अनलाइन

काठमाडौं ,असोज २४।

मिलनचोक तरकारी बजार बुढानिलकण्ठ -१० मा सरसफाई तथा जनचेतनामुलक कार्यक्रम आयोजना गरिएको छ। बुढानिलकण्ठ नगरपालिका वडा नं १० को संयोजनमा नोभ हार्म रिडक्सन कम्युनिटीको आयोजनामा भईएको सो कार्यक्रममा तरकारी बजार क्षेत्रको सरसफाई गर्नुका साथै कोरोना प्रकोप बाट बच्नका लागि जनचेतना मुलक सन्देस पनि प्रवाह गरिएको थियो ।

संयुक्त युवा संजाल वडा नं १० र सुर्य दर्शन सरसफाई सेवाको सहयोगमा भएको सो कार्यक्रममा  सहयोग गर्ने सबैलाई धन्यवाद दिदै नोभ हार्म रिडक्सन सोसाइटीका अध्यक्ष विवेक अधिकारीले संस्थाले प्रकोप नियन्त्रण अभियानमा सचेतनामुलक कार्यक्रम संचालन गरेको जानकारी दिएका छन।

संस्थाले विभिन्न समयमा रचनात्मक कार्यक्रमहरु आयोजना गरेको जानकारी दिदै अधिकारीले वडाका अन्य स्थानमा पनि सचेतनामुलक कार्यक्रम गर्ने जानकारी दिएका छन ।