रोल्पाको थवाङ गाउँपालिका–२ बाट अफिम सहित दुईजना महिला पक्राउ

कपन अनलाइन 

काठमाडौँ, असोज ६।  जिल्ला प्रहरी कार्यालय राेल्पाबाट गएको  प्रहरी टोलीले रोल्पाको थवाङ गाउँपालिका–२ बाट अफिम सहित दुईजना महिलालाई प्रहरीले पक्राउ गरेको  छ ।पक्राउ पर्नेमा थवाङ–२ ठुलोगाउँ घर भएका ३६ वर्षीया बिना ज्योती रोका र ४५ वर्षीया मुली झाक्री रहेकाे जिल्ला प्रहरी कार्यालय रोल्पाका प्रमुख डिएसपी नरेशराज सुवेदीले बताए । प्रहरी निरीक्षक  शंकर खड्काको नेतृत्वमा खटिएको प्रहरी टोलीले सोमबार उनिहरुलाई थवाङको छेर्लावाङबाट पक्राउ गरेको हो।डिएसपी सुवेदीले भने, हामीले बिना ज्योती र मुलीको साथबाट ९ किलो ८२ ग्राम लागु औषध (अफिम) बरामद गरिएका छौ , अफिम तस्करी गर्ने गिरोहले साईड भिर्ने लेडिज ब्याग बोकाएर ति महिलालाई भरियाको रुपमा प्रयोग गरेको हुनसक्ने हामीले अनुमान गरेका छौ  ।

बिना ज्योती रोकाले बोकेको बुट्टेदार साईड ब्यागबाट ४ किलो ९३५ ग्राम र मुली झाक्रिले बोकेको रातो साइड ब्यागबाट ४ किलो ८८५ ग्राम लागुऔषध अफिम बरामद गरिएको जिल्ला प्रहरी कार्यालय रोल्पाले जनाएको छ ।अदालतबाट लागुऔषध मुद्धामा म्याद थपेर उनिहरुबारे थप अनुसन्धान भइरहेको जिल्ला प्रहरी कार्यालय रोल्पाका प्रबक्ता शकंर खड्काले बताए ।

फोटो : रोशन दानी