ओखलढुंगा मानेभञ्ज्याङ -९ का संघीय समाजवादीका नेता सहित १५ जना नेपाली कांग्रेसमा प्रवेस
कपन अनलाइन
काठमाडौं ,साउन २६।
ओखलढुंगा मानेभञ्ज्याङ वडा नम्बर ९ को तत्कालिन नेकपा माओवादी बाट वडा महिला सदस्यको प्रत्यासी उम्मेदवार कोपिला राई र संघीय समाजवादीको युवा नेता नवीन राई सहित १५ जना नेपाली कांग्रेसमा प्रवेश गरेका छन ।
नेपाली कांग्रेसका युवा नेता एवम् पूर्वसांसद रामहरि खतिवडा,नेपाली काङ्ग्रेस जिल्ला कार्यसमितिका सभापति प्रदिप कुमार सुनुवार, जिल्ला सचिव रुद्र अधिकारी, क्षेत्र नम्बर ०२ क्षेत्रीय सभापति तथा मानेभञ्ज्याङ गाउँ प्रमुख मोतिराज राई र सह-सचीव तथा मानेभञ्ज्याङ गाउँ पालिका उप- प्रमुख सविता राई लगायतको उपस्थितिमा आयोजना गरिएको कार्यक्रममा उनीहरु नेपाली कांग्रेस प्रवेस गरेका हुन।
प्रवेश कार्यक्रमलाई सम्बोधन गर्दै नेता खतिवडाले आज प्रवेश गर्ने नयाँ साथीहरु लाउनु भएको रातो सिन्दुरको प्रतिक जितको हो भन्दै त्यसैले राणा र राजाको अन्त्य गरेको नेपाली काङ्ग्रेसलाई जिताएर यो देशमा फेरि शान्ती र समृद्धि तर्फ हामी लान उनीहरुको सहभागिताले थप शक्ति दिएको बताएका छन ।
सोही कार्यक्रमलाई सम्बोधन गर्दै नेपाली काङ्ग्रेस जिल्ला पार्टी सभापति प्रदिप कुमार सुनुवारले नयाँ प्रवेशी युवा साथीहरुलाइ सधै यो कम्युनिस्ट ज्यादती विरुद्ध सधैं लाग्न अनुरोध गर्दै नयाँ हु भन्ने आभास कहिले नगराउने प्रतिबद्धता व्यक्त गरेका थिए ।
