लायन्स क्लब अफ काठमाडौं हाइटको वृक्षारोपण तथा खाद्य सामाग्री वितरण कार्यक्रम सम्पन्न
कपन अनलाइन
काठमाडौं ,साउन १९।
लायन्स क्लब अफ काठमाडौं हाइटले भक्तपुर डोलेश्वरमा वृक्षारोपण गर्नुका साथै आश्रममा रहेका अनाथहरुलाई खाद्यसामाग्री वितरण गरेको छ ।
भक्तपुरको डोलेश्वर मन्दिर क्षेत्रमा धुपी, रुद्राक्ष,लप्सी,कपुर लगायत १६ प्रजातिका चारसय विरुवा क्लबले चारसय विरुवाहरु रोपिएको लायन्स क्लब अफ काठमाडौं हाइटका अध्यक्ष गुरु केदार बरालले जानकारी दिएका छन।
कार्यक्रममा लाइन्स क्लब अफ काठमाडौं हाइटका सदस्य तथा नेपाली काँग्रेस केन्द्रीय नीति अनुसन्धान तथा प्रशिक्षण प्रतिष्ठानका निर्देशक खिलानाथ दाहालले क्लबले सामाजिक कार्यहरुलाई अघि बढाउँदै लैजाने बताउएका थिए । डोलेश्वर मन्दिर परिसरमा रहेको आफ्नो घर आश्रममा खाद्यान्न लगायत सामाग्री हस्तान्तरण कार्यक्रममा दाहालले लायन्स क्लब आफूभन्दा कमजोर भएकालाई सहयोग गर्ने भएकोले आश्रममा रहेका अनाथहरुलाई सहयोग गरिएको बताएका हुन् ।
आफ्नो घर आश्रमका प्रतिनीधि महेन्द्र मुन्दरालाई खाद्य सामाग्री हस्तान्तरण गरिएको कार्यक्रममा लाइन्स क्लब ३२५ ए टु पाष्ट डिस्ट्रिक गर्भनर लाएन केपी अवाल,क्याविनेट सेक्रेटरी गत्तम झा, लक्ष्मी अवाल, चार्टर प्रेसिडेन्ट मनोज सापकोटाको लगायतको सहभागिता रहेको थियो ।
