मेलम्ची खानेपानी आयोजनाको सामान चोर्ने ३ जना पक्राउ
कपन अनलाइन
काठमाडौं ,साउन १९।
मेलम्ची खानेपानी आयोजनाको सामान चोर्ने ३ जना पक्राउ परेका छन । ईलाका प्रहरी कार्यालय मेलम्ची तथा सशस्त्र प्रहरी बल नेपाल खानेपानी सुरक्षा पोष्ट ग्याल्थुमबाट खटिएको संयुक्त प्रहरी गस्ती टोलिले चोरि गरेर सामान ल्याउँदै गरेको अव्स्थामा उनिहरुलाइ पक्राउ गरिएको ईलाका प्रहरी कार्यालय मेलम्चीका प्रहरी निरिक्षक फल बहादुर तामाङले जानकारी दिएका छन ।
सिन्धुपाल्चोकको हेलम्बु गाउँपालिकावडा नं ४ स्थित मेलम्ची खानेपानी आयोजना अन्तर्गतको ग्याल्थुम सुरुङ अडिट नं२ को कम्पाउण्ड भित्र स्टोर गरी राखेको ३० किलो तामाको तार चोरी गर्ने कार्यमा संलग्न रहेका सोही कम्पनीमा बिगत ६ महिना देखि ईलेक्ट्रिसियनको रुपमा काम गर्ने सिन्धुपाल्चोक मेलम्ची वडा नं ९ सुनखानी घर भएका बर्ष २४ को पदम बहादुर तामाङ,सोहि ठाउ बस्ने बर्ष २१ को सजन भन्ने उत्तम तामाङ र पाँचपोखरी थाङपाल गा।पा।वडा नं०२ बस्ने बर्ष १९ को ग्याल्बो स्याङबोलाई पक्राउ गरिएका हो ।
चोरी भएको तामाको तार ३० किलो र सो तामाको तार ओसार पसार गर्न संलग्न बा ७१ प ६१० नं को मोटरसाइकल समेत नियन्त्रणमा लिईएको निरीक्षक तामाङले जानकारी दिएका छन ।फोटो सौजन्य ;रेडियो मेलम्ची
