काठमाडौंको बानियाटार बाट ४ महिला सहित आठ जुवाडे पक्राउ

कपन अनलाइन

काठमाडौं ,असार ३।

प्रहरीले काठमाडौँको बानियाँटारबाट ४ महिलासहित ८ जना जुवाडेलाई रंगेहात पक्राउ गरेको छ । प्रहरीले  बाँनियाटारको सो घरमा जुवा खेलिरहेका उनिहरुको साथबाट झण्डै ३ लाख नगदसमेत बरामद गरेको छ ।

पक्राउ पर्नेहरु स्थानीय ज्योती खडका, केदार सापकोटा,मन्जु लामा, माया मगर, किरण अधिकारी, कुमार खड्का गजेन्द्र बस्नेत, गोरी बुढाथोकी र मनमैजुकी पार्वती थापा छन । उनिहरुमध्ये दुईजना सरकारी कर्मचारी, ५ जना स्थानीय व्यापारी हुन भने एक महिला मनमैजुकी स्थानीय नेता हुन ।

पक्राउ परेका जुवाडेहरुले सो ठाउँलाई जुवा खेल्न तथा मादक पदार्थ सेवन गर्ने अखडा बनाएको सुचना पाएपछि प्रहरीले छापा मार्दा ८ जना रंगेहात पक्राउ परेका हुन । । पक्राउ परेकाहरूलाई काठमाण्डौ प्रहरी परिसरको हिरासतमा राखेर अनुसन्धन शुरु गरिएको छ ।