बुद्द जयन्तीको अवसरमा लायन्स क्लब अफ काठमाडौं खास्ती द्वारा आयोजित आकस्मिक रक्तदान सम्पन्न

कपन अनलाइन

काठमाडौं बैशाख २६। मानवताको लागि  सेवा नै जीवनको  सर्वोत्तम  कार्य हो भने मुल उदेश्यका साथ् बिहीबार २५६४ औँ बुद्धजयन्तीका अवसरमा लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं खास्ती र  खास्ती नेवा पुच: खास्ती बौद्धले  आकस्मिक रक्तदान कार्यक्रम समपन्न गरेको छ। बिश्व भरी महामारीका रुपमा रहेको कोरोना भाइरसको कारण भएको देशब्यापी लकडाउनले गर्दा रक्तदान कार्यक्रमहरु नभएकोले बजारमा रगतको अभाव भइरहेको बेलामा सुरक्षित तवरले रक्तदान कार्यक्रमकोआयोजना गरिएको  थियो ।

काठमाडौं महानगरपालिका वडा नं ६ स्थित  कुशल पार्टी प्यालेसमा बिहान ९ ३० बजे देखि  अपरान्ह २ बजे सम्म चलेको   उक्त कार्यक्रम मा बन्दाबन्दी का बीचमा पनि करीब ८२  जनाले रक्तदान गरेको खास्ती नेवा पुच: बौद्दका अध्यक्ष दिनेश श्रेष्ठले कपन अनलाइनलाइ जानकारी गराए ।रक्तदानमा सहभागी हुनेहरुलाई बौद्दनाथ क्षेत्र विकास समितिका अध्यक्ष चन्द्रमान लामाले प्रसंशा पत्र वितरण गर्दै विपदको समयमा गरेको सत्प्रयासको प्रसंशा सहित धन्यवाद प्रदान गरेका थिए ।