कागेश्वरी मनोहरा नगरपालिकाको आलापोट बर्थिंग सेन्टरलाइ ज्वरो नाप्ने (थर्मल गन) र मास्क सहयोग

कपन अनलाइन

काठमाडौं बैशाख १८। कागेश्वरी मनोहरा नगरपालिका  स्थित आलापोट स्वास्थ्य चौकी तथा बर्थिंग सेन्टरलाइ बैशाख १५ गते  थर्मल गन सहित मास्क  सहयोग गरिएको छ ।लायन्स क्लब इन्टरनेसनल डिस्ट्रिक ३२५ ए१का पुर्व गभर्नर एबम नेपाल भलीबल संघका उपाध्यक्ष समेत रहेका  लायन कुमार राज सुवेदीले उक्त सामग्री हस्तान्तरण गरेका हुन् ।कोरोना भाइरस (कोभिड १९)को सङ्क्रमणको जोखिमलाई मध्यनजर गर्दै  लायन्स क्लबका पूर्व गभर्नर लायन कुमार राज सुवेदीले उक्त स्वास्थ्य चौकीलाइ  ज्वरो नाप्ने उपकरण (थर्मल गन) सहित मास्क  सहयोग गरका हुन्  । उक्त सामग्री स्वास्थ्यकर्मीलाइ हस्तान्तरण गरिएको थियो ।

उक्त सामग्री हस्तान्तरण कार्यक्रममा पुर्व लायन्स गभर्नर कुमार राज सुवेदी सहित  नेपाली कांग्रेसका महासमिति सदस्य बिमल ठकुरी, कागेश्वरी मनोहरा नगरपालिका वडा नं २ का वडा अध्यक्ष सुदर्शन धिमाल, त्यसैगरी गोकर्णेश्वर नगरपालिकाका प्रवक्ता एबम वडा नं ८ का वडा अध्यक्ष मनोज कुमार ढुंगाना लागायतको उपस्थिति रहेको थियो ।

‘कोरोनाको सन्त्रास विश्वमा छाएको छ ।यसलाई जित्न हामी सबै हातेमालो गरेर अघि बढ्नुपर्छ, अन्यथा कोरोनाले हामीमाथि विजय प्राप्त गर्ने बताए , तसर्थ यसलाई परास्त गर्न हामी सबै एकजुट हौ ।’  पूर्व गभर्नर लायन कुमारराज सुवेदीले भने ।