नयाँ वर्ष २०७७ को अवसरमा तारकेश्वर नगरपालिका प्रमुख रामेश्वर बोहोराको शुभकामना सन्देस !
कपन अनलाइन
काठमाडौं ,बैशाख १।
तारकेश्वर नगरपालिकाका प्रमुख रामेश्वर बोहोराले नगरबासीलाइ नया वर्ष २०७७ को शुभकामना ब्यक्त गरेका छन।
नगर प्रमुख बोहोराको शुभकामना सन्देस :
हामीले तारकेश्वर नगरपालिकामा यस्तो संक्रमणको प्रकोप भित्रिन नदिनको लागि सावधानी अपनाउदै यसको प्रकोप देखिइ हालेमा संक्रमण रोकथामका लागि नगरपालिकाले सम्पूर्ण गरेको जानकारी गराउन चाहन्छु ।
हाल सम्म विदेश बाट नगरपालिकाका बिभिन्न वडाहरुमा भर्खरै आउनु हुने कोहि पनि महानुभावहरुमा कोरोना संक्रमण नदेखिएको जानकारी गराउदै अझै सशक्त रुपमा अपनाउनको लागि सम्पूर्ण नगरबासीलाइ हार्दिक अपिल गर्दछु ।
नगरपालिकाले आफ्नो नगर भित्र विदेश बाट आएका महानुभावहरुको लगत राखी स्थानीय प्रतिनिधिहरुको निगरानीमा घरमा नै क्वारेन्टाइनमा र स्वाथ्य परिक्षणको व्यवस्था मिलाएको छ।
आदरणीय तारकेश्वर नगरबासी दाजुभाइ तथा दिदीबहिनीहरु
हामीले हाम्रो नगरपालिकामा दैनिक ज्यालादारी गरेर जीवन गुजारा गर्ने तथा त्यस्ता परिवारहरुले भोक भोकै बस्न नपरोस भनेर वडाहरुमा राहत वितरण गर्दै आएको र कोहि पनि अफ्ट्यारोमा पर्नु भएको छ भने वडा अध्यक्षहरुलाइ सम्पर्क गर्न सकिने जानकारी गराउछु।साथै कुनै आपतकालीन सेवा र अवस्था आयो भने नगरपालिका यहारुको सेवामा तयार रहेको जानकारी गराउन चाहान्छु।
नयाँ वर्ष २०७७ को अवसरमा यस महामारीको प्रकोप माथि विजय प्राप्त गरेर सम्पूर्ण मानव जातिको समृद्दी कायम गर्ने नविन यात्रा थालनी गर्न सकियोस भन्ने कामना गर्दछु।
साथै यो महामारीसँग जुध्न अहिले अग्रपंक्तिमा उभिएका स्वास्थ्यकर्मी, सुरक्षाकर्मी ,जनप्रतिनिधी,संचारकर्मी तथा अत्यावश्यक सेवामा सक्रिय व्यक्तित्वहरु प्रति उच्च सम्मान ब्यक्त गर्दछु।
