प्रथम रोयल राष्ट्रव्यापी यु–२३ पुरुष बास्केटबल प्रतियोगितामा गोल्डेनगेटको जित

कपन अनलाइन

काठमाडौं ,फागुन १४। गोल्डेनगेटले प्रथम रोयल राष्ट्रव्यापी यु–२३ पुरुष बास्केटबल प्रतियोगितामा मंगलबार जित हात पारेको छ ।
गोल्डेनगेटले जेभियर इन्टरनेसनललाई ७०–५५ ले पराजित गर्यो । गोल्डेनगेटको जितमा अभिषेक सिंहले २२ अंक योगदान गरे । गोल्डेनगेटकै प्रज्ज्वल महर्जन फ्रेस बाइट्स ‘म्यान अफ द म्याच’ घोषित भए ।
सुरुका तीन क्वाटरमा अग्रता लिएको गोल्डेनगेटले पहिलोमा १८–१५, दोश्रोमा १६–१३ र तेश्रोमा २७–१७ स्कोर ग¥यो । चौथो क्वाटर १०–९ ले जेभियरको पक्षमा रह्यो ।
ललितपुरको सानागाउँस्थित आयोजक रोयल स्पोर्ट्स सेन्ट्रलको आफ्नै हलमा भइरहेको प्रतियोगिताको अर्को खेलमा सोलो बास्केटबल नेपालले सफलता पायो । फ्रेस बाइट्स ‘म्यान अफ द म्याच’ प्रसाङ मास्केको २४ अंक सहयोगमा सोलोले बूढानीलकण्ठ बास्केटबल क्याम्पलाई ६५–५७ ले हरायो ।
पहिलो दुई क्वाटरमा सोलो ७–१२ र २०–२१ ले पछि पर्यो। सोलोले तेश्रोमा १४–७ र चौथोमा २४–१७ को अग्रता बनाउदै जित सुनिश्चित गर्यो । प्रतियोगिताअन्तर्गत बुधबार ४ खेल हुने छन् ।