ओखलढुंगाको मोलुंग गाउपलिकामा औधोगिक ग्राम बन्ने

कपन अनलाइन

ओखलढुंगा ,माघ २८/गोपाल नेपाल

ओखलढुंगा जिल्ला मोलुङ गाउँपालिका वडा नम्वर ६ मा औधोगिक ग्राम बन्ने निश्चित भएको छ ।

नेपाल सरकार मन्त्रीपरिषद को मिति २०७६ माघ २० गते बसेको बैठकले मोलुङ गाउँ पालिकाको वडा नम्बर ६ मा औद्योगिक ग्राम निर्माण गर्ने निर्णय भएको हो ।उक्त औधोगिक ग्राम स्थापनाको लागी गाउँपालिकालाइ निशुल्क रुपमा ४० रोपनी जग्गा प्राप्त भएको थियो ।

जग्गा उपलव्ध भए संगै ओखलढुंगाबाट प्रतिनिधीसभा सदस्य माननिय यज्ञराज सुनुवारले पटक पटक सम्वन्धित मन्त्रालयमा ताकेता गर्नु भएको थियो ।

सांसद  यज्ञराज सुनुवारले स्थानिय स्तर मै रोजगारी सिर्जना गर्न उधोग ग्राम स्थापना गर्छु भनी गरेको वाचा पुरा हुने भएको छ । गाउँ पालिकाले उक्त औधोगिक ग्राम को बृस्तित परियोजना प्रतिबेदन समेत निर्माण गरि सकेको छ ।

“स्थानिय स्रोत साधन कच्चा पदार्थ प्रविधी र सिप को परिचालन गरि लघु घरेलु तथा साना उधोगमा लगानी बृद्दी गरि यस्ता उधोगको बिकास र प्रबर्द्धन गर्दै रोजगारी सिर्जनाको माध्यमबाट स्थानिय अर्थतन्त्रमा योगदान पुर्याउन ससाना उधोगहरुलाइ एकिकृत गरि ब्यबस्थित गर्दै उत्पादनमा ब्यापक बृद्दिको लागी औधोगिक ग्राम को स्थापना गर्न लागिपरिरहेका थियौ मन्त्रीपरिषद ले नै निर्णय गरि सके पछि झनै हर्षित छौ” मोलुङ गाउँपालिकाका अध्यक्ष मणिराज राइले बताउनु भयो ।
उक्त औधोगिक ग्राम स्थापनाको लागी गाउँपालिकालाइ मोलुङ – ६ निवासी अम्बर बहादुर कार्की शिब कार्की र अमृत कार्किले एकमुष्ठ ४0 रोपनी निशुल्क जग्गा उपलब्ध गराएका थिए ।

“औधोगिक ग्रामको लागी तोकिएको मापदण्ड बमोजिम जग्गा उपलब्ध भए संगै कार्यविधी बमोजिमको अनुसुची भरी सम्बन्धित विभागमा पत्राचार गरेका थियौ ।” मोलुङ गाउँपालिकाका सुचना अधिकारी गोपाल नेपालले बताए ।

आफ्नो सामजिक संजाल फेसबुक मार्फत सुचना अधिकारी नेपालले मोलुङमा औधोगीक ग्राम स्थापनाको निर्णय गराउन महत्त्वपूर्ण भुमिका निर्बाह गर्नु हुने संघिय प्रतिनिधि सभा सदस्य माननिय यज्ञराज सुनुवार र उधोग मन्त्रालयला सचिब यम कुमारी खतिवडा , ब्यवस्थापन तथा सिफारिस गर्नुहुने जागरुक जनप्रतिनिधिहरु ,कर्मचारी र निशुल्क जग्गा प्रदान गर्नुहुने जग्गादाता लगायत सम्पुर्ण सहयोगि मनहरुलाई हार्दिक धन्यबाद व्यक्त गरेका छन ।
मन्त्रीपरिषद को निर्णयको लागी यहाँ क्लिक गर्नु होला

https://l.facebook.com/l.php?u=https%3A%2F%2Fmocit.gov.np%2Fcategorydetail%2F20761023a%3Ffbclid%3DIwAR1rUqCD7ij0OJ27ssv6yuS-r8GRg7Sj4pQEmoJbcQHeXy8kxY5vQQiTVnA&h=AT2SwWBCv4ESH7HKWMTebr9E-U4jb5sM-WGpy7UgrTvD-2IasiLC5EbbD8xk_OSQvV9SQRKjrlg5Ier8YymPV9N8ew1C1uIOKUE8KtwqdudjY1CcriUFdmscWj4S0mg_AuBDFw