सेती नदिको खोचबाट १ जनाको सकुशल उद्दार

कपन अनलाइन

पोखरा, माघ २७ ।पोखरा स्थित सेती नदिको खोचमा अड्किएका १ जनालाई प्रहरीले  सकुशल उद्दार गरेको  छ ।

 पोखरा महानगरपालिका वडा नं – ९  पार्वती टोल स्थित रहेको सेती नदिको खोचमा आफ्नो कुकुर अड्किए पछि उक्त कुकुरलाई बचाउन लाग्दा सोही स्थान बस्ने वर्ष २३ का आकाश गुरुङ खोचमा खसेका थिए ।
खोचमा खसेका गुरङलाई स्थानीयहरुले देखेपछी प्रहरीलाई खबर गरे पश्चात तत्कालै गण्डकी प्रदेश सशस्त्र प्रहरी गण पोखराको उद्दार समूह र वडा प्रहरी कार्यालय वैदाम कास्कीको प्रहरी टोली उक्त स्थानमा निजको उद्दारको लागि खटिएको थियो ।

प्रहरीले निज गुरुङलाई उक्त खोचमा अड्किएको देखेपछि खोचबाट सकुशल उद्दार गरिएको हो । उद्दार गरिएका गुरुङको अवस्थाम समान्य रहेको छ  ।

फोटो सौजन्य : नेपाल प्रहरी