बूढानीलकण्ठ नगरपालिकाको प्रमुख प्रसासकिय अधिकृतमा नारायण रिसाल

कपन अनलाइन

काठमाडौं ,माघ ६।

बूढानीलकण्ठ नगरपालिकाको प्रमुख प्रसासकिय अधिकृतमा नारायण रिसालले आफ्नो कार्यभार सम्हालेका छन।  प्रमुख प्रसासकिय अधिकृत रिक्त भएको करिव तिन हप्ता पछी रिसाल नया प्रमुखका रुपमा बुढानिलकण्ठ नगरपालिकामा आएका हुन्।

रिसालले नुवाकोट जिल्लाको स्थानीय विकास अधिकारीका रुपमा काम गर्दै नेपाल सरकारका विभिन्न निकायहरुमा आफ्नो योगदान दिएका थिए ।

कर्मचारी प्रसाशन नै सुशासनको अवरोध रहेको भन्ने चर्चा नगरपालिका भरि चलिरहेको वेला तिनै कर्मचारीको क्याप्टेन बन्न आएका रिसालले कसरि टिम मिलाएर अगाडी बढ्छन भन्ने  व्यापक चासोको विषय बन्नेछ ।

लामो समय सम्म प्रमुख प्रसासकिय अधिकृत नटिक्ने नगरपालिकाका रुपमा परिचय बनाएको बुढानिलकण्ठ नगरपालिकामा रिसालको अगाडी चुनौती र सम्भावना दुवै प्रचुर मात्रामा रहेको एक जनप्रतिनिधि बताउछन।

आज बाट बुढानिलकण्ठमा  आफ्नो कार्यभार सम्हालेका रिसालको अगाडी कर्मचारीको कार्यशैली सुधार ,सेवा प्रवाहमा चुस्तता र जनप्रतिनिधि -कर्मचारी विचको समन्वय गर्नुपर्ने दायित्व रहेको छ।फोटो :बुढानिलकण्ठ मेयर कार्यालय